Hie deit ut pieën en doa deit ut pieën

Witse nog wie wie’t vreuger woar,
un groeëte moeël en ooch lang Haor.
Ver waore beklopt, mer ummer goot drop,
sjeele zeever, veul vrouwluuj en sjpass in de kop.
Un wat is huuj ?

Hie deit ut pieën en doa deit ut pieën,
alles wat schoeën es, dat moogste neet miëh.
Hie deit ut pieën en doa deit ut pieën,
alles wat goot deet, dat kinver neet miëh.

Ver kooschte geen krampe of pieën aan de knöök,
Ver hubbe allein van ut lache geböökt
Ver kooschte geen neeëre- en ooch geen galsjtein
ver sjpronge van ’t eene op ’t angere bein
Un wat is huuj?

Hie deit ut pieën….enz
la, la, la, la.....

Ver heije ginne bril, ver kooschte geen Jich
ver waore elastisch, en deege os plich.
Ut vötje waor heit, de henj woare werm
noe hub’ ver gee maedjes, mer ’n kroëk oenger de erm Want:

Hie deit ut pieën….enz
la, la, la, la.....

Geen Sjtinkkieës, geen Beerke,
Geen Schjink, geen Sigaret,
Geen boëter, geen Blootwoosch, alles te vitt.
D’r blootdruk, d’r soeker en Cholesterol,
ver vreate allein nog paracetamol.

Hie deit ut pieën….enz
la, la, la, la.....

Mit carnaval os pilske, geen zurg om ut geld !
De piën is vuur murge, vandaag is wat telt !

Hie deit ut pieën….enz
la, la, la, la..